ابوحمود
13-Mar-2007, 04:16 PM
~*¤ô§ô¤*~*¤ô§ô¤*~نظراً لرغبة الكثير من أخواننا الأعضاء
في هذا المنتدى الضخم من معرفة جديد
الشاعر الكبير ابومشاري
قمنا طامعين باسثارة قريحة الشاعر بهذه القصيدة والتي
نرجو ان تنال على اعجابكم
ــــــــــــــــــــــــــــــــــــــــــــــــــ ــ
بسم الله الرحمن بامره كتبنـــا *** بحر الرباعي واستوى لي وجبنا
بعض الامور اللى كثير احزنتنا *** والله كريم ولاخسرمن ترجاه
لابو مشاري يابدر خذ تحية *** معطره باحلى العطور النديه
اصفى من الصافي لاصافح خويه *** ومن الغلا ضاعت معاني منقاه
هذاك ابن عمي ويفهم سلومي *** صالح واشوف انه صديق القرومي
مايصحب الخايب ولاله يرومي *** ذرب اللسان وذربة دوم يمناه
الأوله بغداد صاحت وراحت *** وكم حرمة للغاصبين استباحت
والمعتصم ميت لو البنت ناحت *** وحنا نشوف وسايق الشاي ننخاه
أخواننا الســــنه عليهم تنـــــــاخو *** المجرمــــين الحــــــاقدين وتباهو
زادت جرايمهم والأخوان صاحو*** ويالله عسى كحيلان يصهل من أقصاه
وحنا يمينه ماتقصر يمينه *** حنا لصكات الليالي نعينه
حنا نبي نصر يقولون وينه *** وإلا الشهادة خير من عز وجاه
الظلم ماترضاه نفس عزيزة *** ولا يتبناه الشجاع أو يعيزه
هو للخسيس ومثله اللي يجيزة *** ويالله بجاهك يشرب اللي شربناه
والثانية يالله عسى الضايق يسيح *** وتعوضه يارب جملة مفاتيح
ويالله عسى حظه لياقام مايطيح*** ولايشغلة ياكود شوف تمناه
شوفك ياحلال العقود الكثيرة *** اللي حياة البعض منها مريرة
يالله تزينها على خير سيرة *** ويالله عسى عقول الحسودين تنباه
الحاسد الملعون يكرم جنابك *** من عذرك إن خلاك تفقد صوابك
يالله عساك توقفة دون بابك*** ولا يهتني في نوم عيبنة ودنياه
هاذي ثلاث ورابعتهن نصيحة *** للعارفين أهل العقول الصحيحة
من لا صبر ضاقت عليه الفسيحة *** ومن عظم أمر الله ربح في ملاقاه
قلته وأنا يارب ماني منزة *** وأرجيك أنا التوفيق في كل حزة
من ضامته دنياه يارب عزة *** ويصبح عزيز ولا يجي شئ أشقاه
وتقفي هواجيسة وترحل همومة *** ولابه مجال لواحد جا يلومة
كل يبيه وطيبات علومه *** ويالله طريق الخير يقرب ويلقــــــاه
والخاتمة صلوا على ناشر الدين *** اللي يتعامل مع معاديه باللين
يالله نكون بصحبته قولوا آمين *** وتم الكلام وزايد الهرج شلناه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
وبعد ما وصلت القصيدة للشاعر ابومشاري (( صالح بن عبدالرزاق المطوطح ))
أرسل الينا هذه الرائعة والتي أترككم معها لتغوصوا في معانيها
وتعرفوا حل اللغز الذي في آخرها
ـــــــــــــــــــــــــــــــــــــــــــــ
مبداي ذكر الله عزيز الجلالي *** الواحد المعبود منشي الخـيالــي
فوق الصفا يسمع دبيب النمالي*** علام ما بالكون ما شي يــخـفاه
حي الكتاب اللي لفا من عضيدي*** قرم شجاع دوم راية سديــدي
خطٍ تظمن كل علمٍ مفــيــدي *** يامرحباً به عد مزنٍِ نثر ماه
لاهنت يابوحمود ياتاج راسي*** معزتك تشدي الجبال الرواسي
يابن الاسود مطوعت كل قاسي*** اهل الشرف واهل النواميس والجاه
دنياك يابوحمود هذي عجيبة *** هذا يودي العلم وهذا يجيبه
والخاتمه كلٍ يحصل نصيبه *** وماقدر الخالق على العبد يلقاه
مالوم انا بغداد لوصاحت اليوم *** تبي الفزع من جور ظالم لمظلوم
هذا مقدر يابن عمي ومقسوم *** القوس قبل الغوص مافيه منجاه
الله يعز اللى للاســــــلام قايم *** اللى حياته يبن راكع وصايم
من السجود يظم وجهه علايم*** اهلأ هلابه كل ماحل طرياه
دستوره القران حكمة شريعه *** ومن دوننا يحدي الضواري المجيعة
ارجي لعل الله يشكر صنيعه *** ويمد في عمره وبالخير يجزاه
وترى الفرج قريب لاصرت ضايق*** ماهو بقولي قول رب الخلايق
واللى لضيق البال ماهو بطايق *** لو شاف فضل الصبر ضيقه تناساه
ينساه لو هو حاصره جيش كسرى *** وهو ومن سلموا معه راحوا اسرى
لامن ذكر ان مع العسر يسرى *** الهم من صدره يشيله ويجلاه
واعرف ترى الحاسد خسيس ومرود *** حسده عليه ولاعن البغص منشود
وعينه على قول المثل وسط عود *** وذنبه عظيم يعاقبه فيه مولاه
يوم الحساب ويوم نشر الصحايف *** والكل شاخص في مكانه وخايف
يارب سترك من شديد الكلايف *** انت الكريم وعفوك اليوم نرجاه
وقبل ختام القول ابنشدك يافريح *** عن شي ثابت لكن اسرع من الريح
مع الحضر وإلاهل الفطر الفيح *** وياسرع فزعاته ليامن دعيناه
لاهو بلايشرا ولا هو بينباع *** وليا بغيته هدوا عيا ولاطاع
ودايم بناته معه ياتن باسراع *** غصب عليه ودون تفكير برضاه
وصلاة ربي عد هتاف الامطار *** عد النجوم وعد ماطاير طار
على النبي الهاشمي سيد الابرار *** اللى صدع بالحق واوضح مزاياه
~*¤ô§ô¤*~*¤ô§ô¤*~السلام عليكم ورحمة الله وبركاته
في هذا المنتدى الضخم من معرفة جديد
الشاعر الكبير ابومشاري
قمنا طامعين باسثارة قريحة الشاعر بهذه القصيدة والتي
نرجو ان تنال على اعجابكم
ــــــــــــــــــــــــــــــــــــــــــــــــــ ــ
بسم الله الرحمن بامره كتبنـــا *** بحر الرباعي واستوى لي وجبنا
بعض الامور اللى كثير احزنتنا *** والله كريم ولاخسرمن ترجاه
لابو مشاري يابدر خذ تحية *** معطره باحلى العطور النديه
اصفى من الصافي لاصافح خويه *** ومن الغلا ضاعت معاني منقاه
هذاك ابن عمي ويفهم سلومي *** صالح واشوف انه صديق القرومي
مايصحب الخايب ولاله يرومي *** ذرب اللسان وذربة دوم يمناه
الأوله بغداد صاحت وراحت *** وكم حرمة للغاصبين استباحت
والمعتصم ميت لو البنت ناحت *** وحنا نشوف وسايق الشاي ننخاه
أخواننا الســــنه عليهم تنـــــــاخو *** المجرمــــين الحــــــاقدين وتباهو
زادت جرايمهم والأخوان صاحو*** ويالله عسى كحيلان يصهل من أقصاه
وحنا يمينه ماتقصر يمينه *** حنا لصكات الليالي نعينه
حنا نبي نصر يقولون وينه *** وإلا الشهادة خير من عز وجاه
الظلم ماترضاه نفس عزيزة *** ولا يتبناه الشجاع أو يعيزه
هو للخسيس ومثله اللي يجيزة *** ويالله بجاهك يشرب اللي شربناه
والثانية يالله عسى الضايق يسيح *** وتعوضه يارب جملة مفاتيح
ويالله عسى حظه لياقام مايطيح*** ولايشغلة ياكود شوف تمناه
شوفك ياحلال العقود الكثيرة *** اللي حياة البعض منها مريرة
يالله تزينها على خير سيرة *** ويالله عسى عقول الحسودين تنباه
الحاسد الملعون يكرم جنابك *** من عذرك إن خلاك تفقد صوابك
يالله عساك توقفة دون بابك*** ولا يهتني في نوم عيبنة ودنياه
هاذي ثلاث ورابعتهن نصيحة *** للعارفين أهل العقول الصحيحة
من لا صبر ضاقت عليه الفسيحة *** ومن عظم أمر الله ربح في ملاقاه
قلته وأنا يارب ماني منزة *** وأرجيك أنا التوفيق في كل حزة
من ضامته دنياه يارب عزة *** ويصبح عزيز ولا يجي شئ أشقاه
وتقفي هواجيسة وترحل همومة *** ولابه مجال لواحد جا يلومة
كل يبيه وطيبات علومه *** ويالله طريق الخير يقرب ويلقــــــاه
والخاتمة صلوا على ناشر الدين *** اللي يتعامل مع معاديه باللين
يالله نكون بصحبته قولوا آمين *** وتم الكلام وزايد الهرج شلناه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
وبعد ما وصلت القصيدة للشاعر ابومشاري (( صالح بن عبدالرزاق المطوطح ))
أرسل الينا هذه الرائعة والتي أترككم معها لتغوصوا في معانيها
وتعرفوا حل اللغز الذي في آخرها
ـــــــــــــــــــــــــــــــــــــــــــــ
مبداي ذكر الله عزيز الجلالي *** الواحد المعبود منشي الخـيالــي
فوق الصفا يسمع دبيب النمالي*** علام ما بالكون ما شي يــخـفاه
حي الكتاب اللي لفا من عضيدي*** قرم شجاع دوم راية سديــدي
خطٍ تظمن كل علمٍ مفــيــدي *** يامرحباً به عد مزنٍِ نثر ماه
لاهنت يابوحمود ياتاج راسي*** معزتك تشدي الجبال الرواسي
يابن الاسود مطوعت كل قاسي*** اهل الشرف واهل النواميس والجاه
دنياك يابوحمود هذي عجيبة *** هذا يودي العلم وهذا يجيبه
والخاتمه كلٍ يحصل نصيبه *** وماقدر الخالق على العبد يلقاه
مالوم انا بغداد لوصاحت اليوم *** تبي الفزع من جور ظالم لمظلوم
هذا مقدر يابن عمي ومقسوم *** القوس قبل الغوص مافيه منجاه
الله يعز اللى للاســــــلام قايم *** اللى حياته يبن راكع وصايم
من السجود يظم وجهه علايم*** اهلأ هلابه كل ماحل طرياه
دستوره القران حكمة شريعه *** ومن دوننا يحدي الضواري المجيعة
ارجي لعل الله يشكر صنيعه *** ويمد في عمره وبالخير يجزاه
وترى الفرج قريب لاصرت ضايق*** ماهو بقولي قول رب الخلايق
واللى لضيق البال ماهو بطايق *** لو شاف فضل الصبر ضيقه تناساه
ينساه لو هو حاصره جيش كسرى *** وهو ومن سلموا معه راحوا اسرى
لامن ذكر ان مع العسر يسرى *** الهم من صدره يشيله ويجلاه
واعرف ترى الحاسد خسيس ومرود *** حسده عليه ولاعن البغص منشود
وعينه على قول المثل وسط عود *** وذنبه عظيم يعاقبه فيه مولاه
يوم الحساب ويوم نشر الصحايف *** والكل شاخص في مكانه وخايف
يارب سترك من شديد الكلايف *** انت الكريم وعفوك اليوم نرجاه
وقبل ختام القول ابنشدك يافريح *** عن شي ثابت لكن اسرع من الريح
مع الحضر وإلاهل الفطر الفيح *** وياسرع فزعاته ليامن دعيناه
لاهو بلايشرا ولا هو بينباع *** وليا بغيته هدوا عيا ولاطاع
ودايم بناته معه ياتن باسراع *** غصب عليه ودون تفكير برضاه
وصلاة ربي عد هتاف الامطار *** عد النجوم وعد ماطاير طار
على النبي الهاشمي سيد الابرار *** اللى صدع بالحق واوضح مزاياه
~*¤ô§ô¤*~*¤ô§ô¤*~السلام عليكم ورحمة الله وبركاته